Google સેવાની શરતો

અસરકારક 5 જાન્યુઆરી, 2022 | આર્કાઇવ કરેલ આવૃત્તિ | PDF ડાઉનલોડ કરો

દેશ વિશેષ વર્ઝન: યુનાઇટેડ સ્ટેટ્સ

આ શરતોમાં આવરી લેવાયેલી બાબતો

અમે જાણીએ છીએ કે આ સેવાની શરતો છોડવાની ઈચ્છા થવી સ્વાભાવિક છે, પણ તમે Google સેવાઓનો ઉપયોગ કરો ત્યારે તમે અમારી પાસેથી શું અપેક્ષા રાખી શકો અને અમે તમારી પાસેથી શું અપેક્ષા રાખીએ છીએ તે નિર્ધારિત કરવું જરૂરી છે.

આ સેવાની શરતો Googleનો વ્યવસાય થવાની રીત, અમારી કંપનીને લાગુ થતા કાયદા અને અમે હંમેશાં સાચી માની છે તે કેટલીક બાબતો દર્શાવે છે. પરિણામે, આ સેવાની શરતો Googleનો તમારી સાથેનો સંબંધ વ્યાખ્યાયિત કરવામાં સહાય કરે છે કારણ કે તમે અમારી સેવાઓ સાથે ક્રિયાપ્રતિક્રિયા કરો છો. ઉદાહરણ તરીકે, આ શરતોમાં નીચેના વિષયોના શીર્ષકોનો સમાવેશ થાય છે:

• તમે અમારી પાસેથી શું અપેક્ષા રાખી શકો, જે અમે અમારી સેવાઓ કેવી રીતે આપીએ છીએ અને તેમનો વિકાસ કરીએ છીએ તેનું વર્ણન કરે છે
• તમારી પાસેથી અમારી અપેક્ષાઓ, જે અમારી સેવાઓનો ઉપયોગ કરવા માટેના કેટલાક નિયમો દર્શાવે છે
• Google સેવાઓમાંનું કન્ટેન્ટ, જે તમને અમારી સેવાઓમાં મળતા કન્ટેન્ટના બૌદ્ધિક સંપદા હકોનું વર્ણન કરે છે — ભલે પછી તે કન્ટેન્ટના માલિક તમે, Google અથવા બીજા લોકો હોય
• સમસ્યાઓ અથવા અસંમતિઓના કિસ્સામાં, તમે ધરાવો છો તે અન્ય કાનૂની હકોનું અને કોઈ વ્યક્તિ આ શરતોનું ઉલ્લંઘન કરે તો શી અપેક્ષા રાખવી તેનું વર્ણન કરે છે

આ શરતો સમજવી મહત્વપૂર્ણ છે, કારણ કે અમારી સેવાઓનો ઉપયોગ કરીને તમે આ શરતો સાથે સંમત થાઓ છો.

આ શરતો ઉપરાંત અમે પ્રાઇવસી પૉલિસીપણ પ્રકાશિત કરીએ છીએ. અમે તમને એ વાંચવા માટે પ્રોત્સાહિત કરીએ છીએ જેથી તમે તમારી માહિતીને અપડેટ કરવાની, મેનેજ કરવાની, તેની નિકાસ કરવાની અને તેને ડિલીટ કરવાની.રીત વધુ સારી રીતે સમજી શકો.

શરતો

સેવા આપનાર

Google સેવાઓ આપનાર અને તમે જેમની સાથે કરાર કરી રહ્યા છો તે:

Google LLC
ડેલવેર રાજ્ય, USA ના કાયદાઓ હેઠળ સંગઠિત અને USA ના કાયદાઓ હેઠળ સંચાલિત

1600 Amphitheatre Parkway
Mountain View, California 94043
યુએસએ

ઉંમર સંબંધિત આવશ્યકતાઓ

જો તમે તમારું પોતાનું Google એકાઉન્ટ મેનેજ કરવા માટે આવશ્યક ઉંમર કરતાં ઓછી ઉંમરના હો, તો તમારે Google એકાઉન્ટનો ઉપયોગ કરવા માટે તમારા માતાપિતાની અથવા કાનૂની વાલીની પરવાનગી મેળવવી જરૂરી છે. કૃપા કરીને તમારી સાથે તમારા માતાપિતા અથવા કાનૂની વાલીને આ શરતો વંચાવો.

જો તમે માતાપિતા અથવા કાનૂની વાલી હોવ અને તમે તમારા બાળકને સેવાઓનો ઉપયોગ કરવાની મંજૂરી આપતા હો, તો આ શરતો તમને લાગુ થાય છે અને સેવાઓ પર તમારા બાળકની પ્રવૃત્તિ માટે તમે જવાબદાર છો.

કેટલીક Google સેવાઓમાં તેમની સેવા સંબંધિત વધારાની શરતો અને નીતિઓમાં વર્ણવ્યા મુજબ ઉંમર સંબંધિત વધારાની આવશ્યકતાઓ હોય છે.

Google સાથે તમારો સંબંધ

આ શરતો તમારી અને Google વચ્ચેના સંબંધને વ્યાખ્યાયિત કરવામાં સહાય કરે છે. વ્યાપક રૂપે કહીએ તો, જો તમે Googleનો વ્યવસાય કઈ રીતે કાર્ય કરે છે અને અમે કઈ રીતે કમાણી કરીએ છીએ તે દર્શાવતી આ શરતોનું પાલન કરવા સાથે સંમત થાઓ, તો અમે તમને અમારી સેવાઓનો ઉપયોગ કરવાની પરવાનગી આપીએ છીએ. જ્યારે અમે “Google,” “અમે”, “આપણે” અને “આપણું” કહેતાં હોઈએ, ત્યારે અમારો અર્થ Google LLC અને તેની આનુષંગિક કંપનીઓ હોય છે.

તમે અમારી પાસેથી શું અપેક્ષા રાખી શકો

ઉપયોગી સેવાઓની વિશાળ શ્રેણી પ્રસ્તુત કરવી

આમાંની ઘણી સેવાઓમાં એવું કન્ટેન્ટ પણ શામેલ હોય છે, જેને તમે સ્ટ્રીમ કરી શકો છો અથવા તેની સાથે ક્રિયાપ્રતિક્રિયા કરી શકો છો.

અમારી સેવાઓ એકબીજાની સાથે કાર્ય કરી શકે તે મુજબ બનાવવામાં આવી છે, જેથી તમે એક પ્રવૃત્તિ પરથી બીજી પર સરળતાથી જઈ શકો છો. ઉદાહરણ તરીકે, જો તમારી Calendar ઇવેન્ટમાં સરનામું શામેલ હોય, તો તમે તે સરનામા પર ક્લિક કરી શકો છો અને Maps તમને ત્યાં કેવી રીતે પહોંચવું તે બતાવી શકે છે.

Googleની સેવાઓ ડેવલપ કરો, તેમને બહેતર બનાવો અને તેમને અપડેટ કરો

અમારી સેવાઓને બહેતર બનાવવા માટે અમે સતત નવી ટેક્નોલોજી અને સુવિધાઓ ડેવલપ કરીએ છીએ. ઉદાહરણ તરીકે, અમે તમને તરત અનુવાદ કરી આપવાની સુવિધાઓ પૂરી પાડવા સાથે જ સ્પામ અને માલવેરની વધુ સારી રીતે ભાળ મેળવવા તથા તેમને બ્લૉક કરવા માટે કૃત્રિમ બુદ્ધિમતા અને મશીન શિક્ષણનો ઉપયોગ કરીએ છીએ. આ સતત સુધારાના ભાગ તરીકે, અમે કેટલીક વખત સુવિધાઓ અને કાર્યક્ષમતાઓ ઉમેરી અથવા કાઢી નાખીએ છીએ, અમારી સેવાઓની મર્યાદાઓ વધારીએ અથવા ઘટાડીએ છીએ અને નવી સેવાઓ ઑફર કરવાનું શરૂ કરીએ છીએ અથવા જૂની સેવા ઑફર કરવાનું બંધ કરીએ છીએ. જ્યારે સેવા માટે ડાઉનલોડ કરી શકાય તેવા સૉફ્ટવેરની જરૂર હોય અથવા તેમાં તેનો સમાવેશ થતો હોય, તો તે સૉફ્ટવેર એક વાર નવું વર્ઝન અથવા સુવિધા ઉપલબ્ધ થાય ત્યારે તમારા ડિવાઇસ પર ક્યારેક ઑટોમૅટિક રીતે અપડેટ થાય છે. તમે કેટલીક સેવાઓમાં ઑટોમૅટિક રીતે અપડેટ થતા તમારા સેટિંગ ગોઠવી શકો છો.

જો અમે એવા વાસ્તવિક ફેરફારો કરીએ જે અમારી સેવાઓના તમારા ઉપયોગ પર નકારાત્મક રીતે અસર કરે અથવા જો અમે સેવા ઑફર કરવાનું બંધ કરીએ, તો અમે તમને અગાઉથી જરૂરી સૂચના આપીશું, જોકે દુરુપયોગ અટકાવવા, કાનૂની જરૂરિયાતો પૂરી કરવા અથવા સુરક્ષા તેમજ કાર્યક્ષમતા સંબંધિત સમસ્યાઓનું નિરાકરણ કરવા જેવી તાકીદની પરિસ્થિતિઓ હોય, તો આમ કરવામાં આવશે નહીં. અમે તમને લાગુ કાયદા અને પૉલિસીઓને આધીન, Google Takeoutનો ઉપયોગ કરીને તમારા Google એકાઉન્ટમાંથી તમારું કન્ટેન્ટ નિકાસ કરવાની પણ તક આપીશું.

તમારી પાસેથી અમારી અપેક્ષાઓ

આ શરતો અને સેવા સંબંધિત વધારાની શરતોનું પાલન કરો

તમે એ પણ સંમત થાઓ છો કે અમારી પ્રાઇવસી પૉલિસી અમારી સેવાઓના તમારા ઉપયોગ પર લાગુ થાય છે. વધારામાં, અમે સામાન્ય પ્રશ્નોના જવાબ આપવા અને અમારી સેવાઓનો ઉપયોગ કરવા વિશે અપેક્ષાઓ સેટ કરવા માટે કૉપિરાઇટ સહાયતા કેન્દ્ર, સુરક્ષા કેન્દ્ર અને અમારીપૉલિસી સાઇટ પરથી અમારી ટેક્નોલોજીના વર્ણનો જેવા સંસાધનો પ્રદાન કરીએ છીએ.

જોકે અમે તમને અમારી સેવાઓનો ઉપયોગ કરવાની પરવાનગી આપીએ છીએ, છતાં સેવાઓમાંના અમારા જે કોઈ બૌદ્ધિક સંપદા હકો છે તે અમારા જ રહેશે.

અન્ય લોકોને માન આપો

અમારી સેવા સંબંધિત વધારાની શરતો અને પૉલિસીઓમાં યોગ્ય વર્તણૂક વિશે વધારાની વિગતો આપવામાં આવે છે, જેનું પાલન કરવું તે સેવાઓનો ઉપયોગ કરનારી દરેક વ્યક્તિ માટે આવશ્યક છે. જો તમને જાણવા મળે કે અન્ય લોકો આ નિયમોનું પાલન કરતા નથી, તો અમારી એવી ઘણી સેવાઓ છે કે જે તમને દુરુપયોગની જાણ કરવાની મંજૂરી આપે છે. દુરુપયોગના રિપોર્ટ પર જો અમે પગલાં લઈએ, તો અમે સમસ્યાઓ હોય તો પગલાં લેવા વિભાગમાં જણાવ્યા મુજબ એ પ્રક્રિયાની માહિતી પણ આપીએ છીએ.

તમારા કન્ટેન્ટનો ઉપયોગ કરવાની પરવાનગી

તમે તમારું કન્ટેન્ટ અપલોડ, સબમિટ, સ્ટોર કરી શકો, મોકલી શકો, મેળવી શકો અથવા શેર કરી શકો તે માટે અમારી કેટલીક સેવાઓની ડિઝાઇન કરવામાં આવી છે. તમારે અમારી સેવાઓને કોઈપણ પ્રકારનું કન્ટેન્ટ આપવું ફરજિયાત નથી અને તમારે જે કોઈ કન્ટેન્ટ આપવું હોય તેના માટે તમે સ્વતંત્ર છો. જો તમે કન્ટેન્ટ અપલોડ કે શેર કરવાનું પસંદ કરો, તો કૃપા કરીને ખાતરી કરો કે તેમ કરવાના જરૂરી હક તમે ધરાવો છો અને કન્ટેન્ટ કાયદેસરનું છે.

Google સેવાઓનો ઉપયોગ કરવો

તમારું Google એકાઉન્ટ

જો તમે આ ઉંમર સંબંધિત આવશ્યકતાઓ પૂરી કરતા હો, તો તમારી સગવડ માટેGoogle એકાઉન્ટ બનાવી શકો છો. કેટલીક સેવાઓ કાર્ય કરે તે માટે તમારું Google એકાઉન્ટ હોવું જરૂરી હોય છે — ઉદાહરણ તરીકે, Gmailનો ઉપયોગ કરવા માટે, તમારું Google એકાઉન્ટ હોવું જરૂરી છે, જેથી તમારી પાસે તમારા ઇમેઇલ મોકલવા અને મેળવવાનું સ્થાન હોય.

તમે તમારા Google એકાઉન્ટ વડે શું કરો છો તેના માટે જવાબદાર છો, જેમાં તમારા Google એકાઉન્ટને સુરક્ષિત રાખવા માટે વાજબી પગલાં લેવાનો સમાવેશ થાય છે અને અમે તમને નિયમિત રૂપે સુરક્ષા તપાસનો ઉપયોગ કરવા માટે પ્રોત્સાહન આપીએ છીએ.

સંસ્થા અથવા વ્યવસાય વતી Google સેવાઓનો ઉપયોગ કરવો

સેવા સંબંધિત સંદેશાવ્યવહાર

તમને અમારી સેવાઓ આપવા માટે, અમે ક્યારેક તમને સેવાની ઘોષણાઓ અને અન્ય માહિતી મોકલીએ છીએ. અમે તમારી સાથે કઈ રીતે સંદેશાવ્યવહાર કરીએ છીએ તે વિશે વધુ જાણવા માટે, Googleની પ્રાઇવસી પૉલિસી જુઓ.

જો તમે અમને અમારી સેવાઓ વધુ સારી બનાવવા માટેના સૂચનો જેવો પ્રતિસાદ આપવાનું પસંદ કરશો, તો અમે તમારી સાથે બંધનકારક કરાર કર્યા વિના તમારા પ્રતિસાદ મુજબ પગલાં લઈશું.

Google સેવાઓમાંનું કન્ટેન્ટ

તમારું કન્ટેન્ટ

અમારી કેટલીક સેવાઓ તમને તમારા કન્ટેન્ટને સાર્વજનિક રૂપે ઉપલબ્ધ કરવાની તક આપે છે — ઉદાહરણ તરીકે, તમે પ્રોડક્ટ અથવા રેસ્ટોરન્ટનો રિવ્યૂ લખ્યો હોય તે પોસ્ટ કરી શકો છો અથવા બ્લૉગ માટે તમે બનાવેલી પોસ્ટ અપલોડ કરી શકો છો.

• તમારા કન્ટેન્ટમાં તમારા હકો વિશે વધુ જાણવા માટે તમારા કન્ટેન્ટનો ઉપયોગ કરવા માટેની પરવાનગી વિભાગ અને અમારી સેવાઓમાં તમારા કન્ટેન્ટનો કેવી રીતે ઉપયોગ કરવામાં આવે છે તે જુઓ
• અમે અમારી સેવાઓ પરથી વપરાશકર્તા દ્વારા બનાવાયેલા કન્ટેન્ટને શા માટે અને કેવી રીતે કાઢી નાખી શકીએ છીએ તે જાણવા માટે તમારું કન્ટેન્ટ કાઢી નાખવું વિભાગ જુઓ

જો તમે માનતા હો કે કોઈ વ્યક્તિ તમારા બૌદ્ધિક સંપદા હકોનું ઉલ્લંઘન કરે છે, તો તમે અમને ઉલ્લંઘનની નોટિસ મોકલી શકોછો અને અમે તેના સંબંધે ઉચિત પગલાં લઈશું. ઉદાહરણ તરીકે, અમે અમારા કૉપિરાઇટ સહાયતા કેન્દ્રમાં વર્ણવ્યા મુજબ વારંવારના કૉપિરાઇટ ઉલ્લંઘનકર્તાઓના Google એકાઉન્ટ સસ્પેન્ડ અથવા બંધ કરીએ છીએ.

Google કન્ટેન્ટ

અમારી સેવાઓમાંની કેટલીકમાં Googleની માલિકીના કન્ટેન્ટનો સમાવેશ થાય છે — ઉદાહરણ તરીકે, Google Mapsમાં તમે જુઓ છો તેમાંના ઘણા વિઝ્યુઅલ ચિત્રો. તમે આ શરતો અને સેવા સંબંધિત બધી વધારાની શરતો દ્વારા મંજૂરી આપવામાં આવ્યા અનુસાર Googleના કન્ટેન્ટનો ઉપયોગ કરી શકો છો, પણ અમે અમારા કન્ટેન્ટમાંના બધા બૌદ્ધિક સંપદા હકો અમારી પાસે રાખીએ છીએ. અમારા કોઈપણ બ્રાંડિંગ, લોગો અથવા કાયદેસર નોટિસને કાઢી ન નાખશો, છુપાવશો નહીં કે તેમાં ફેરફાર ન કરશો. જો તમે અમારા બ્રાંડિંગ અથવા લોગોનો ઉપયોગ કરવા માગતા હો, તો કૃપા કરીને Google બ્રાંડ પરવાનગીઓ પેજ જુઓ.

અન્ય કન્ટેન્ટ

અંતે, અમારી કેટલીક સેવાઓ તમને બીજા લોકોનું અથવા સંસ્થાઓનું હોય તેવા કન્ટેન્ટનો ઍક્સેસ આપે છે — ઉદાહરણ તરીકે, સ્ટોરના માલિકનું તેમના પોતાના વ્યવસાયનું વર્ણન અથવા Google Newsમાં પ્રદર્શિત સમાચાર લેખ. તમે આ કન્ટેન્ટનો ઉપયોગ તે વ્યક્તિ અથવા સંસ્થાની પરવાનગી વિના નહીં કરો અથવા કાયદા દ્વારા અન્યથા મંજૂરી આપવામાં આવી હોય તે મુજબ કરશો. બીજા લોકો અથવા સંસ્થાઓના કન્ટેન્ટમાં વ્યક્ત વિચારો તેમના પોતાના હોય છે અને તે Googleના વિચારો વ્યક્ત કરતું હોય તે જરૂરી નથી.

Google સેવાઓમાં સૉફ્ટવેર

અમારી કેટલીક સેવાઓમાં ડાઉનલોડ કરી શકાય તેવા સૉફ્ટવેરનો સમાવેશ થાય છે. અમે તમને અમારી સેવાઓના ભાગ રૂપે એ સૉફ્ટવેરનો ઉપયોગ કરવાની પરવાનગી આપીએ છીએ.

અમારી કેટલીક સેવાઓમાં ઓપન સૉર્સ લાઇસન્સની શરતો હેઠળ પ્રસ્તુત કરવામાં આવતા સૉફ્ટવેરનો સમાવેશ થાય છે જે અમે તમારા માટે ઉપલબ્ધ કરીએ છીએ. કેટલીક વાર ઓપન સૉર્સ લાઇસન્સમાં એવી જોગવાઈઓ હોય છે જે આ શરતોના અમુક ભાગને સ્પષ્ટપણે ઓવરરાઇડ કરે છે, તેથી કૃપા કરીને એ લાઇસન્સ ચોક્કસ વાંચો.

તમે અમારી સેવાઓના અથવા સૉફ્ટવેરના કોઈપણ ભાગની કૉપિ કરી શકતા નથી, તેમાં ફેરફાર કરી શકતા નથી, તેનું વિતરણ કે વેચાણ કરી શકતા નથી અથવા તો તેને ભાડા પર આપી શકતા નથી.

સમસ્યાઓ અથવા અસંમતિના કિસ્સામાં

વૉરંટીનો અસ્વીકાર

અમે Google Search અને Maps જેવી ઉપયોગી, વિશ્વસનીય સેવાઓ આપીને અમારી પ્રતિષ્ઠા બનાવી છે અને તમારી જરૂરિયાતો પૂરી કરવા માટે અમે નિરંતર અમારી સેવાઓને બહેતર બનાવવાનું કામ કરીએ છીએ. જોકે, જ્યાં સુધી અમારી સેવા સંબંધિત વધારાની શરતોમાં સ્પષ્ટ રીતે જણાવવામાં આવ્યું ન હોય, ત્યાં સુધી કાનૂની કારણોસર અમે અમારી સેવાઓ વૉરંટી વિના ઑફર કરીએ છીએ. કાયદા મુજબ અમે આને ખાસ કાનૂની ભાષાનો ઉપયોગ કરીને સમજાવીએ અને તે જોવામાં તમારી સહાય થાય છે એ વાતની ખાતરી કરવા માટે અમે નીચે જણાવ્યા પ્રમાણે મોટા અક્ષરોનો ઉપયોગ કરીએ એ જરૂરી છે:

લાગુ થતા કાયદા દ્વારા મંજૂરી આપવામાં આવેલી હદ સુધી અમે અમારી સેવાઓ કોઈપણ પ્રકારની સ્પષ્ટ કે ગર્ભિત વૉરંટી વિના “જેમ છે તેમ” જ પ્રદાન કરીએ છીએ, જેમાં વેપાર અને કોઈ વિશિષ્ટ હેતુ માટે જરૂરી યોગ્યતાની તથા કોઈ કાયદાનું ઉલ્લંઘન ન કરવાની ગર્ભિત વૉરંટી શામેલ છે. ઉદાહરણ તરીકે, અમે સેવાઓની સચોટતા, વિશ્વસનીયતા, ઉપલબ્ધતા અથવા તમારી જરૂરિયાતો પૂરી કરવાની ક્ષમતા સહિત તેમના કન્ટેન્ટ કે સુવિધાઓ વિશે કોઈપણ વૉરંટી આપતા નથી.

જવાબદારીઓ

બધાં વપરાશકર્તાઓ માટે

કાયદો અને આ શરતો, બન્ને એ બાબત બૅલેન્સ કરવાનો પ્રયાસ કરે છે કે જ્યારે કોઈ સમસ્યા નિર્માણ થાય ત્યારે તમે અને Google એક-બીજા પાસેથી કઈ બાબતોનો દાવો કરી શકો છો. તેથી આ શરતો હેઠળ — કાયદો અમને કેટલીક જવાબદારીઓ મર્યાદિત કરવાની મંજૂરી આપે છે — પરંતુ અન્ય જવાબદારીઓ મર્યાદિત કરવા દેતો નથી.

આ શરતો માત્ર લાગુ થતા કાયદા દ્વારા મંજૂરી આપવામાં આવેલી અમારી જવાબદારીઓને મર્યાદિત કરે છે. આ શરતો જાણી જોઈને કરેલી નિષ્કાળજી કે ઇરાદાપૂર્વક કરવામાં આવેલી ગેરવર્તણૂક માટેની જવાબદારીને મર્યાદિત કરતી નથી.

માત્ર વ્યાવસાયિક વપરાશકર્તાઓ અને સંસ્થાઓ માટે

જો તમે વ્યાવસાયિક વપરાશકર્તા અથવા સંસ્થા હો, તો:

• લાગુ થતા કાયદા દ્વારા મંજૂરી આપવામાં આવેલી હદ સુધી, તમે તમારી સેવાઓના ગેરકાયદેસર ઉપયોગથી અથવા આ શરતો કે સેવા સંબંધિત વધારાની શરતોના ઉલ્લંઘનથી ઉદ્ભવતી અથવા તેને સંબંધિત ત્રીજા-પક્ષની કોઈપણ કાનૂની કાર્યવાહી (સરકારી અધિકારીઓ દ્વારા કરવામાં આવતી કાર્યવાહી સહિત) માટે Google અને તેના નિર્દેશકો, અધિકારીઓ, કર્મચારીઓ તેમજ બધા કૉન્ટ્રાક્ટરને થયેલા નુકસાનની ભરપાઈ કરી આપશો. આ નુકસાન ભરપાઈમાં દાવા, નુકસાન, ક્ષતિઓ, ચુકાદા, દંડ, દાવાના ખર્ચા અને કાનૂની ફીમાંથી ઉદ્ભવતી કોઈપણ જવાબદારી અથવા ખર્ચ આવરી લેવામાં આવ્યો છે.
• જો તમને નુકસાન ભરપાઈ કરવા સહિત ચોક્કસ જવાબદારીઓમાંથી કાયદેસર મુક્તિ મળી હોય, તો આ શરતો હેઠળ તે જવાબદારીઓ તમને લાગુ થતી નથી. ઉદાહરણ તરીકે, યુનાઇટેડ નેશન્સને કેટલીક કાનૂની જવાબદારીઓમાંથી મુક્તિ મળેલી છે અને આ શરતો તે મુક્તિને ઓવરરાઇડ કરતી નથી.

સમસ્યા જણાય તો પગલાં લેવાં

નીચે જણાવ્યા પ્રમાણે પગલું લેતા પહેલાં, અમે વાજબી રીતે શક્ય હશે ત્યારે તમને અગાઉથી સૂચના આપીશું, પગલું લેવાનું અમારું કારણ જણાવીશું અને તમને સમસ્યાનું નિરાકરણ કરવાની તક આપીશું, સિવાય કે આમ કરવાથી આ પરિણામ આવે:

• વપરાશકર્તાને, ત્રીજા પક્ષને અથવા Googleને હાનિ અથવા જવાબદારી પહોંચે
• કાયદાનું અથવા કાયદાના અમલીકરણના અધિકારીના આદેશનું ઉલ્લંઘન
• તપાસમાં સમાધાન કરવું
• અમારી સેવાઓના સંચાલન, તેમની અખંડિતતા અથવા સુરક્ષા સાથે ચેડાં કરવા

તમારું કન્ટેન્ટ કાઢી નાખવું

જો તમારા કન્ટેન્ટનો કોઈપણ ભાગ (1) આ શરતો, સેવા સંબંધિત વધારાની શરતો અથવા પૉલિસીઓનો ભંગ કરે, (2) લાગુ થતા કાયદાનું ઉલ્લંઘન કરે અથવા (3) અમારા વપરાશકર્તાઓ, ત્રીજા પક્ષો કે Googleને હાનિ પહોંચાડી શકે તેવું હોય, તો અમે લાગુ થતા કાયદા અનુસાર એ કન્ટેન્ટનો થોડો ભાગ અથવા તેને પૂરેપૂરું હટાવવાનો અધિકાર આરક્ષિત રાખીએ છીએ. ઉદાહરણોમાં બાળ પોર્નોગ્રાફી, માનવ તસ્કરી કે ઉત્પીડનને પ્રોત્સાહન આપતું કન્ટેન્ટ, આતંકવાદ સંબંધિત કન્ટેન્ટ અને કોઈ અન્ય વ્યક્તિના બૌદ્ધિક સંપદા અધિકારોનું ઉલ્લંઘન કરતું કન્ટેન્ટ શામેલ છે.

Google સેવાઓનો તમારો ઍક્સેસ સસ્પેન્ડ કરવો અથવા સમાપ્ત કરવો

જો નીચેનામાંથી કોઈપણ ઘટના બને, તો Google તમને મળેલા સેવાઓના ઍક્સેસને સસ્પેન્ડ અથવા સમાપ્ત કરવાનો અથવા તમારું Google એકાઉન્ટ ડિલીટ કરવાનો અધિકાર સુરક્ષિત રાખે છે:

• તમે ભૌતિક રીતે અથવા વારંવાર આ શરતો, સેવા-વિશિષ્ટ વધારાની શરતો અથવા નીતિઓ નો ભંગ કરો છો
• કાનૂની જરૂરિયાત અથવા કૉર્ટના ઑર્ડરનું પાલન કરવા માટે અમારે તેમ કરવું જરૂરી હોય છે
• તમારી વર્તણૂક વપરાશકર્તા, ત્રીજા પક્ષ અથવા Googleને નુકસાન પહોંચાડે છે અથવા તેમના માટે જવાબદારીનું કારણ બને છે — ઉદાહરણ તરીકે, હૅકિંગ, ફિશિંગ, ઉત્પીડન, સ્પામ કરવું, અન્ય લોકોને ગેરમાર્ગે દોરવા અથવા તમારું ન હોય એવું કન્ટેન્ટ સ્ક્રૅપ કરવું

અમે એકાઉન્ટ શા માટે બંધ કરીએ છીએ અને અમે આમ કરીએ પછી શું થાય છે, તેના વિશે વધુ માહિતી માટે, સહાયતા કેન્દ્રનું પેજ જુઓ. જો તમે માનતા હો કે તમારું Google એકાઉન્ટ ભૂલથી સસ્પેન્ડ અથવા સમાપ્ત કરવામાં આવ્યું છે, તો તમે અપીલ કરી શકો છો.

અલબત્ત, તમે કોઈપણ સમયે અમારી સેવાઓનો ઉપયોગ કરવાનું બંધ કરવા માટે સ્વતંત્ર છો. જો તમે અમારી સેવાઓનો ઉપયોગ કરવાનું બંધ કરો, તો, અમને કારણ જાણવાનું ગમશે, જેથી અમે અમારી સેવાઓને નિરંતર વધુ સારી બનાવતા રહીએ.

વિવાદોનો ઉકેલ લાવવો, નિયામક કાયદો અને ન્યાયાલયો

Google નો સંપર્ક કરવા વિશે વધુ માહિતી માટે, કૃપા કરીને અમારા સંપર્ક પૃષ્ઠની મુલાકાત લો.

કૅલિફોર્નિયાનો કાયદો આ શરતો, સેવા સંબંધિત વધારાની શરતો અથવા અન્ય સંબંધિત સેવાઓમાંથી ઉદ્ભવેલા અથવા તેની સાથે સંબંધિત બધા દાવાઓનું, કાયદાના સંઘર્ષના નિયમો પર ધ્યાન આપ્યા વિના, સંચાલન કરશે. આ દાવાઓનું નિરાકરણ અનન્ય રૂપે સાંતા ક્લારા કાઉન્ટી, કેલિફોર્નિયા, USA ની સંઘીય અથવા રાજ્યના ન્યાયાલયમાં લાવવામાં આવશે અને તમે તથા Google તે ન્યાયાલયના વ્યક્તિગત અધિકાર ક્ષેત્રને સંમતિ આપો છો.