माओवादी केन्द्रके तीन महिने अभियान सुरु
पहुरा समाचारदाता
धनगढी, १७ भदौ । नेकपा (माओवादी केन्द्र)के तीन महिने अभियान सुदूरपश्चिम प्रदेशके ९ जिल्लामे सुरु हुइल बा ।
अध्यक्ष प्रचण्डके विशेष सम्बोधनसंगे ९ जिल्लामे खटल ७९ अभियान टोली जनसहभागीसहित उदघाटन करल रहिट । पार्टी सचिव डिलाराम आचार्यके उपस्थिति धनगढी उपमहानगरपालिकाके सक्कु वडाके संयुक्त रुपमे अभियानके उदघाटन करलै । प्रचण्डके सम्बोधनपाछे कार्यक्रमहे सम्बोधन करटी सचिव आचार्य अभियान जनताहे रुपान्तरण कैना नइहुके माओवादी अपने रुपान्तरण हुइना संचालन करल बटैलै ।
माओवादी नेता कार्यकर्ताहुकनके चिन्तन ओ व्यवहारमे लागल मैल धोइनाफे अभियान संचालन करल बटैटी आचार्य कहलै, “अभियान जनताहे रुपान्तरण कैना नाही, माओवादी नेता कार्यकर्ताहुकनके चिन्तन ओ व्यवहारमे लागल मैल सफा कैना तीन महिने अभियान सुरु करल हो ।” आचार्यसे जनयुद्ध ओ जनआन्दोलनके कुछ कार्यभार पूरा कैना बाँकी रहल ओरसे माओवादी ओ जनताबीच सुमधुर सम्बन्ध हुइना आवश्यक रहल बटैलै ।
कार्यक्रममे पार्टीके केन्द्रीय सदस्य बिना मगर, दिपक साउद, लक्ष्मी बिक, निर्मला बडाल, धनगढी उपमहानरपालिकाके इन्चार्ज निर्मल शाहलगायत तीन महिने अभियानके आवश्यकता ओ औचित्यबारे प्रकाश पारल रहिट ।
ओस्टेक करके डोटीके जोरायलमे माओवादी केन्द्रके स्थानीय समिति सदस्य खगराज भट्टके सहभागितामे अभियानके उदघाटन करल बा । भट्ट समाजवादी क्रान्तिके लाग जनयुद्धके आधार क्षेत्रमे माओवादी लौटल बटैटी अभियानमे जनताके सहभागिता हुइनामे विश्वाय व्यक्त करलै ।
पार्टीके केन्द्रीय सदस्य शरद सिंह भण्डारी अपनेहुक्रे गाउँ लौटल बटैटी माओवादी ओ जनता बीचमे सम्बन्ध जोरटी समाजवादी क्रान्ति सम्पन्न करे पर्नामे जोड डेलै । उहाँ समाजवादी क्रान्ति बिना जनताके अवस्था परिवर्तन करे नइसेक्न बटैलै ।
जिल्ला इन्चार्ज लक्षिराम आचार्यके अनुसार जिल्लाके ६ टोलीसे एकसाथ अभियानके उदघाटन करल जानकारी डेलै । ओस्टेक करके बझाङ, अछाम, बाजुरा, कैलाली, कञ्चनपुर, दार्चुला, डडेल्धुरा, बैतडीफे अभियान एकसाथ उदघाटन करल नेताहुक्रे जानकारी डेले बटै ।
सुदूरपश्चिम प्रदेशमे सबसे ढेर कैलालीमे अभियान टोली खटल बा । जनसंख्याके हिसाबसे घरघरमे पुग्न करके कैलालीमे १३ अभियान टीम खटल बा । पार्टीके केन्द्रके सचिव डिलाराम आचार्यफे कैलालीमे खटल बटै ।
कैलालीमे केन्द्रीय सचिव डिलाराम आचार्य, केन्द्रीय सदस्य त्रिलोचन भट्ट, शान्ति नेपाली, रेणु चन्द, विमला सिंह, देवीलाल चौधरी, मोतिकला चलाउने, देवराज रेग्मी, टेकेन्द्र भट्ट, तारामान स्वाँर, लोकेन्द्र लम्साल खटल बटै । प्रदेश अध्यक्ष हरिराम चौधरीफे अभियान टोलीके नेतृत्व करटी रहल बटै ।
डडेल्धुरामे डडेल्धुरा भौगोलिक हिसाबसे छोट रहल ओरसे ५ ठो अभियान टोली खटल बा । केन्द्रीय सदस्य, भगत बडुवाल, शिवसिंह ओली, रमेश धामी, दलबहादुर धामी रहल बटै ।
दार्चुलामे १० ठो टोली खटल बा । जिल्ला संयोजक ओ प्रदेश सदस्यसेफे अभियान टोलीके नेतृत्व करले बटै ।
केन्द्रीय सदस्य नरेन्द्र कुँवर, डम्बर घर्ती, गणेश खत्री, जमानसिंह धामी, भुवन चन्द्र बिक रहल बटै कलेसे विनोद कुँवर, रामदत्त जोशी, पान पसिंह धामी, लाल बहादुर बिक, प्रदेश सदस्य बटै । ओस्टेक, जिल्ला संयोजक पदमराज पन्तफे अभियान टीमके नेतृत्व करले बटै ।
बैतडीमे ८ ठो अभियान टोली खटल बा । एकजाने प्रदेश उपाध्यक्ष ओ ७ जाने केन्द्रीय सदस्य नेतृत्व करले बटै । जेम्ने रामप्रसाद तिमिल्सिना, भक्त विश्वकर्मा, भरत धानुक, माया नेगी, मान सिंह धामी, गणेश खत्री रहल बटै । कलेसे प्रदेश उपाध्यक्ष मान सिंह माल रहल बटै ।
अछाममे १० ठो अभियान टोली खटल बा । भौगोलिक रुपमे भारी मानल अछाममे केन्द्रीय सदस्य, प्रदेश सदस्य ओ जिल्ला संयोजक समेत अभियान टोलीके नेतृत्व करले बटै ।
केन्द्रीय सदस्य ओमप्रकाश पुन, कुन्ती जोशी ओ नरेन्द्र कुँवर रहल बटै कलेसे केन्द्रीय सल्लाहकार जंग बिक, शिद्धराज भाट ओ जिल्ला संयोजक रविन्द्र साउद, प्रदेश सदस्य जोरासिंह विष्ट, प्रदेश सहसचिव प्रकाश परियार, प्रदेश सदस्य पहल साउद, इश्वरी थापा अभियान टोलीके नेतृत्व करले बटै । डोटीमे ६ ठो अभियान टोली खटल बा । केन्द्रीय सदस्य, शरद सिंह भण्डारी, लक्षिराम आचार्य, गोविन्द बिक रहल बटै । ओस्टेक, प्रदेश उपाध्यक्ष कृष्ण बडुवाल ओ प्रदेश सदस्य छवि ओली अभियान टोलीके नेतृत्व करले बटै ।
कञ्चनपुरमे ९ ठो अभियान टोली खटल बा । केन्द्रीय सदस्य, नेपबहादुर थारु, वीरमान चौधरी, शंकर खड्का, दिपा चौधरी, सरु थारु, विनिता चौधरी, गोविन्द तिमिल्सिना रहल बटै । ओस्टेक निर्वाचन आयोग सदस्य हरिराम श्रीपाइली दोधारा चाँदनीके अभियान टोलीके नेतृत्व करले बटै ।
बाजुरामे ५ ठो अभियान टोली खटल बा । केन्द्रीय सस्यद देवकी मल्ल, लक्ष्मण खड्का, तिलक परियार अभियान टोलीके नेतृत्व करले बटै कलेसे जिल्ला सचिव रमेशराज बिकफे नेतृत्व करले बटै ।
बझाङमे १० ठो अभियान टोली खटल बा । केन्द्रीय सदस्य लालबहादुर सोडारी, ललित सिंह गगुन्ना, केन्द्रीय अनुशासन आयोगके सदस्य धर्मराम बिक, प्रदेश उपाध्यक्ष, रणबहादुर कुँवर, सहसचिव केशवनाथ योगी रहल बटै ।
